Fæðingar, fróðleikur og fegurð.

Þá er það komið svo að hið mikla yndi hún Erla er komin á fæðingardeildina. Sendi ég henni hér með ofurhugskeyti og vona að allt fari á hinn besta veg. Hlakka mikið til að heyra af henni og litla krílinu, plús að sjá eins margar myndir og mögulega hægt er að hlaða á internetið! Veit að þú stendur þig kona!

Mætt aftur á bókasafnið, enn og aftur. Grunar að ég muni eyða gríðarlegum tíma hérna í haust að fræða mig. Því miður reyndar að næra mig líka, maturinn í mötuneytinu er frægur fyrir gumsleikann sem um hann flæðir. Búin að vera minna en viku í skólanum og vinnan hreinlega hleðst á mig.

....síðasti púnkturinn er fegurð. Ég var að sjá nýjasta trailerinn fyrir Casino Royal. Hef verið staðföst stuðningskona þess að Clive Owen átti að vera næsti Bond, held það reyndar enn. En USS! Það er langt síðan ég hef verið svona spennt fyrir Bond mynd, lítur alveg HRYLLILEGA vel út...og ekki er Bondinn sjálfur (Daniel Craig) slæmur. Kíkið á þetta: Bond. Fékk gæsahúð og allskonar dæmi.

Myndin: Children of Men, talandi um Clive Owen. Sá hana um helgina. Langt síðan ég hef skemmt mér eins vel í bíó. Sérstaklega vel gerð (þó að vanti smá uppá handritið). Clive Owen er minn, gjörsamlega minn.
Bókin: Vernon God Little - DBC Pierre, tær snilld
Veðrið: Grenjandi rigning með hléum sem gerir það að verkum að ég veit ALDREI hvenær rignir (er búin að búa hérna í 2 ár, held að ég ætti nú að vera farin að læra á þetta)
Verkefnið: Klára að flytja út úr íbúðinni sem ég bjó aldrei í (er búin að finna annan leigjanda)
Lagið: Don't Dwell - Tracy Chapman