Hreinlætissérfræðingurinn Sigríður Jónsdóttir (cleaning the world)

Hver hefði haldið að ég myndi einhvertímann fá borgað fyrir að þrífa? Ekki ég. Er algjörlega uppgefin. Hef verið að fara sofa kl. 9-10 á kvöldin. Ég man ekki hvenær það gerðist síðast. Balestrand er snilld, lítil snilld en samt snilld. Búðunum lokar klukkan sex, og eru ekki opnar á sunnudögum, það er ein bensínstöð tvær litlar búðir og ENGINN pöbb. Vonbrigðin sem ég varð fyrir þegar þessu var deilt með mér eru ólýsanleg. Enginn pöbb. Reyndar er hótelbar á Kvikne's en hann er ekki mikið notaður af starfsfólki að mér skilst. Ó vell, ég reyni að lifa.

Herbergið mitt er mjög vel staðsett EFST Á RISABREKKU. Tekur mig um hálftíma að dröslast uppeftir. En um 5 mínútur að hjóla niður eftir. Herbergið sjálft er mjög kósí, kom þarna fyrst þannig að ég stal öllum bestu húsgögnunum og setti þau í mitt herbergi. Fyrstur kemur fyrstu fær. Law of the jungle go allt það. Er með ótrúlegt útsýni yfir fjörðinn og sef með gluggan opinn á nóttunni til þess að fá hreina loftið inn.

Vinnan gengur vel en er oftast algjörlega uppgefin eins og núna. Púff, held að leiðin liggi heim á leið. Drösla hjólinu mínu upp brekkuna og borða pestópasta sem ég eldaði í gær, ha! sko, ég elda og þríf. Hver hefði haldið?

Tónlistin: Orson - No Tomorrow
Bókin: Seducing Sybilla (algjör húmor, rauða serían meets 19th century)
Kvikmyndin: Engin í bili, hef ekkert séð
Sjónvarpsþátturinn: Criminal Minds, maðurinn frá Chicago Hope bjargar deginum
Staðurinn: Balestrand