Birna (já hún er sko nóg í heilt topic)


Jamm, það er opinbert. Ég og Birna erum misheppnaðar: Ekki nóg með það að þetta er kaldasta nýja ár sem hefur verið í Hong Kong síðustu fimmtíu árin heldur var Birna líka veik í marga daga eftir að hún kom. Greyjið, lá veik, með beinverki, hausverk og allskonar verki dagana á enda. Og hún verður aldrei veik. En þrátt fyrir þetta allt saman er þetta yndislegt, meira að segja veik er hún frábær. Svo gaman að tala við manneskju að heiman, sérstaklega þessa manneskju.

Allaveganna, eftir marga daga svefn, pillur og pítsu leið henni betur. Í dag, sunnudag, komumst við meira að segja alla leiðina niður í bæ að versla, hún kom á fimmtudegi. Í gær komumst við bara hálfa leið þangað til að ég sagði hingað og ekki lengra því að hún leit út eins og hún myndi falla saman. Hrikalegt. Skruppum bara aðeins í mall og fórum síðan heim. En í dag, já í dag komumst við alla leið niður í Monkok. Já, þvílík snilld sem það var. He he, bara ég get fengið tösku ofan á mig að himnum ofan. Stóð í algjöru sakleysi og var að skoða töskur og svo allt í einu BÚMM fékk ég þvílíkt högg á höfuðið. Nei nei þá var konan sem vann þarna að hengja upp tösku sem hún missti beint ofan á mig. Bara ég. Held að þetta hafi verið æðri völd að segja mér að kaupa mér ekki fleiri töskur, þarf ekki fleiri.

En ó joy, vitið þið hvað ég fann: Jakka. Já, Sigríður er loksins búin að kaupa sér jakka og á einungis 1500 krónur. Ah elska að versla í Asíu, svo ódýrt. Svo mikil snilld að geta sýnt Birnu svona út um allt, gaman líka fyrir mig að fara á staði sem ég hef ekki heimsótt svo lengi. Andskoti að fríið sé búið, því miður er skólinn að fara taka aftur við..... vesen er það.....